اولا احب اقولكم رمضان كريم عليكم وعلينا انشاء الله .
ثانيا استراحة المسافر 2 تجدوها داخل استراحة المسافر 1 واسف علي الخطأ
المهم بعد لما وصلت لضابط الجوازات المسكين اللي قاعد لوحده بيراجع ويدقق في اكتر من
700 باسبور ووش علشان يتاكد انه كل واحد في السليم دخلت علي الشباك وعلي وجهي ابتسامه عريضه
قولت صحيح انا زهقان من الوقفه وحمام الشمس طول شويه بس قولت خلاص هانت يا واد وكلها 5 دقايق وتشوف الاهل والاحباب.
ولكن فوجئت بالباشا بيبصلي قوي ويبص للباسبور اوي وفجأه سألني سؤال :
س: انت بقالك اد ايه بره مصر؟
ج: بقالي حضرتك 4 سنين
س: كنت بتعمل ايه؟
ج: حضرتك انا مهندس في شركه اجنبيه
س: يعني خلاص الشغل مقطع بعضه ما بتنزلش اجازات خالص؟؟
ج: معلش بقه ظروف شغل وحكمت وضحكت وقولت اصل كنت بكون نفسي
س:
اه بتكون نفسك بس انت واضح انك كنت بتكون نفسك في دول كتير ايه الاختام الكتير دي
ج: ما هو حضرتك انا بشتغل في شركه كبيره وعندها مشاريع في كذا مكان
وفجأه الباشا نظر لي شزرا وقالي
برده تكوين النفس كان جزء منه في ايران
قولتله يعني ايه
راح قايلي
منين ختم ايران علي باسبورك
وراح واخد الباسبور ومعديه من شباك صغير جنبه لغرفه مجاوره ليه
قولتله هوه في حاجه يا باشا راح قايلي كشف امني يا بيه
روحت قايل يعني ايه قاللي يعني سيادتك ممكن تعمل باركنج
علي جنب باستخفاف لغاية ما يكشفوا علي باسبور سيادتك اصل تكون عامل بلوه ولا مصيبه واحنا مش ناقصين بلاوي ولا مصايب
موضوع: استراحة المسافر 3 
2010-10-13, 11:40 am
