طريقة عمل البلوبيف المنزلى - كيفية عمل البلوبيف فى البيت


المقادير
::1/2 ك لحم مسلوق 80 % ومعه قطعه من دهن اللحم حوالى 100 جم
( ومتبل اثناء السلق بفلفل اسود وبهارات لحم ولورا وحبهان)
1 كوب فول صويا مجروش
( وده موجود عند اى عطار او سوبر ماركت قسم العطاره
لون صحى احمر

الطريقه ::
نضع
فول الصويا بطبق ونضع عليه شوية شوربه من سلق اللحمه ونضع عليه اللون
الاحمر (حوالى ربع ملعقه صغيره ) ونقلب ونتركه خمس دقايق عشان يطرى ثم نطلع
اللحمه من الشوربه ولازم تكون سخنه جدا ونقلبها فى الكبه ونضربها ضربتين
ثم نضيف فول الصويا بشوربته لو لسه فيه شوربه لو كان شربها نضيف مغرفه
واحده شوربه عليه فى الكبه ونضرب ضربتين ثم نضيف فى النهايه قطعة الدهن
المسلوق مع اللحمه ونضربها معاهم ضربه أخيره
نضعه فى اى قالب عندنا بس
نفرش فيه نايلون ونسويه فى القالب ونغطيه بباقى النايلون مع ضغطه خفيفه
عليه ثم نضعه بالثلاجه لتانى يوم او لو مستعجله سيبيه ساعتين وطلعيه وقطعيه
و اللحمه مسلوقه ومقطعه قطع صغيره ومعها الدهن الخاص باللحمه المسلوقة
فول الصويا وعليه اللون والشوربه نضرب اللحمه فى الكبه وهنضربهم مع بعض مع دهن اللحم المسلوق أخر مره بس لازم اللحمه تكون سخنه نقطه هامه ...
ثم توضع فى كيس نايلون وتسوى ثم يوضع فى الثلاج
يا رب تكون الوصفه سهله وواضحه
واللى تحب تعملو من غير فول صويا طبعا ممكن وفى الحاله دى حتضع اللون على اللحمه وعليهم شوية شوربه وتضربهم بالكبه